نايف الصميم كتب

صحيت بخبر حسيت بضيق واكتأب

ضليت لحظات بسكوت تام وسط المعمعه
ثم فّزيت لا مفتكر البس ايه ثياب

هبيت مندفع والدمع اندفع من مدمعه
قلبي منصدم وعقلي بطل كنه خراب

لا حشى كيف ارده؟ كيف استرجعه؟
لا حتى هذي ماهيه حقيقه، لا بل سراب

والله لو بودعه لعيد الزمن، لا بل وارجعه
راحلة من الدنيا ، من الواقع بلا اياب

راحلة بلا اياب ولا حتى مودعه
تستقبلش الملائكة وتفتحلش الابواب

وتسكنين فسيح جنات ربنا الواسعه
يا من تركتي المحبة بقلوب الأقراب

مخلده ... اسمك منحوت بالكل باضلعه
يا من كانت تتطاير فوق ويا السحاب

يا من عطيتي الخير ولا اراده تسترجعه
اليا اتذكرتي تفتخر انا كنا ليش قراب

نتشامخ لقربنا ليش يالشموخ بمرجعه
يا من كنتي امانه مثل السوار بالارقاب

"اللهم ردك اياها" .. مثلما قال ايوب يوم المعمعه
ياللي سيرة ذاتش تكون اجمل كتاب

يشمل فيه مزاياش وعناصر الخير كلها معه
كنا بيوم على متن السفينة مجموعة ركاب

تجرينا الرياح على هواها بطريق ٍ نجهله
حتى هبُت رياحش وغيرت مسيار المركاب

على طريق ٍ سليم ٍ كل ٍ بوده يوصله
اريتينا الخطى والصحيح ، واريتينا الصواب

لو بدونك كان خذينا طريق ٍ نهلكه
ولو بدونتش ماعرفنا المحبه والتحاب

ولا عرفنا الخير باصله يامن كنتي منبعه
ولو بدونتش ما حلمنا وصوبنا فوق السحاب

يا من كنتي اطول من جميع الشجر وافرعه
واعوذ بالله من "لو" والشيطان النصاب

وبسم الله ابدأ صلاتي والادعيه
رحمة الله عليش وعلى كل من تاب

كثر حبات الرمل ، وقطر الندى ، والزهر واغصنه
رحمة الله عليش يافخر كل الشباب

ورحمة الحي القيوم مسخر الكون ومايشمله
راح نلتقي قريب مع كل الأقراب والاحباب

قدام ربنا الكريم يوم نوقف تحت رحمته